hasrat ho tamannaon ka sailab ho kya ho

hasrat ho tamannāoñ kā sailāb ho kyā ho

tum zinda haqīqat ho koī ḳhvāb ho kyā ho

jazbe kī sadāqat ho ki ehsās kī ḳhushbū

tum shahr-e-mohabbat kā hasīñ baab ho kyā ho

qadmoñ kī bhī aahaT meñ hai ik saaz kī āvāz

barbat ho ki viina ho ki mizrāb ho kyā ho

ai va.ada-e-fardā ke samundar mire haq meñ

kashtī ho ki sāhil ho ki girdāb ho kyā ho

mil jaao jise us kā chamak jaa.e muqaddar

tum zill-e-humā ho par-e-surḳhāb ho kyā ho

tum aao mire ghar to batāo ki sar-e-farsh

maḳhmal ho ki atlas ho ki kamḳhāb ho kyā ho

'fārūq' ke haath aa.e na tum ho ke bhī nazdīk

ḳhushbū ho ki saaya ho ki sīmāb ho kyā ho

hasrat ho tamannaon ka sailab ho kya ho

tum zinda haqiqat ho koi KHwab ho kya ho

jazbe ki sadaqat ho ki ehsas ki KHushbu

tum shahr-e-mohabbat ka hasin bab ho kya ho

qadmon ki bhi aahaT mein hai ek saz ki aawaz

barbat ho ki wina ho ki mizrab ho kya ho

ai wada-e-farda ke samundar mere haq mein

kashti ho ki sahil ho ki girdab ho kya ho

mil jao jise us ka chamak jae muqaddar

tum zill-e-huma ho par-e-surKHab ho kya ho

tum aao mere ghar to batao ki sar-e-farsh

maKHmal ho ki atlas ho ki kamKHab ho kya ho

'faruq' ke hath aae na tum ho ke bhi nazdik

KHushbu ho ki saya ho ki simab ho kya ho