hasrateñ jalne kī ḳhūgar ho ga.iiñ
daaġh kī samteñ munavvar ho ga.iiñ
yuuñ huā hai tere va.adoñ kā zavāl
qurbateñ majrūh jauhar ho ga.iiñ
sabz tūfānī havāoñ kā julūs
Tahniyāñ be-kaif manzar ho ga.iiñ
qatra qatra āsmānī ho gayā
saarī nadiyāñ jab samundar ho ga.iiñ
sirf le de ke jo apne paas thiiñ
vo nigāheñ un kī naukar ho ga.iiñ
haath meñ ā.īna le kar āj-kal
jur.ateñ sab kī sikandar ho ga.iiñ
nek-nāmī aur an-miT shohrateñ
ab 'navedī' kā muqaddar ho ga.iiñ
hasraten jalne ki KHugar ho gain
dagh ki samten munawwar ho gain
yun hua hai tere wadon ka zawal
qurbaten majruh jauhar ho gain
sabz tufani hawaon ka julus
Tahniyan be-kaif manzar ho gain
qatra qatra aasmani ho gaya
sari nadiyan jab samundar ho gain
sirf le de ke jo apne pas thin
wo nigahen un ki naukar ho gain
hath mein aaina le kar aaj-kal
juraten sab ki sikandar ho gain
nek-nami aur an-miT shohraten
ab 'nawedi' ka muqaddar ho gain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
