aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

haTa do chehre se gar dupaTTa tum apne ai lala-fam aadha

Mirza Asman Jah Anjum

haTa do chehre se gar dupaTTa tum apne ai lala-fam aadha

Mirza Asman Jah Anjum

MORE BYMirza Asman Jah Anjum

    haTā do chehre se gar dupaTTa tum apne ai lāla-fām aadhā

    to ho ye sābit ki niklā abr-e-siyah se māh-e-tamām aadhā

    huā to hai tere hijr meñ dil hamārā jal kar kabāb saaqī

    kasar agar hai to itnī hai ki puḳhta aadhā hai ḳhaam aadhā

    yahāñ to dil ko mire jalāyā vahāñ jalā.eñge jism merā

    ye hashr par kyuuñ uThā rakhā hai huzūr ne intiqām aadhā

    hamārī ulfat zikr sun kar adū nikāle bhī shiq to kyūñ-kar

    ki lafz-e-shiq meñ bhī to ye shiq hai ki hai ye āshiq naam aadhā

    ye charke de de ke ne mujh ko jo nīm-jāñ kar rakhā hai nāhaq

    halāl kar Daal ab to zālim huā hai jiinā harām aadhā

    ye kaisī dariyā-dilī hai saaqī havas bhī dil huī na puurī

    jo ināyat bhī to adhūrī agar diyā bhī to jaam aadhā

    nazar jo paḌ jaa.e us ke qāmat pe bas qayāmat aa.e 'anjum'

    zamīñ meñ gaḌ jaa.e sarv ḳhajlat se us vaqt-e-ḳhirām aadhā

    haTa do chehre se gar dupaTTa tum apne ai lala-fam aadha

    to ho ye sabit ki nikla abr-e-siyah se mah-e-tamam aadha

    hua to hai tere hijr mein dil hamara jal kar kabab saqi

    kasar agar hai to itni hi hai ki puKHta aadha hai KHam aadha

    yahan to dil ko mere jalaya wahan jalaenge jism mera

    ye hashr par kyun uTha rakha hai huzur ne intiqam aadha

    hamari ulfat ka zikr sun kar adu nikale bhi shiq to kyun-kar

    ki lafz-e-shiq mein bhi to ye shiq hai ki hai ye aashiq ka nam aadha

    ye charke de de ke tu ne mujh ko jo nim-jaan kar rakha hai nahaq

    halal kar Dal ab to zalim hua hai jina haram aadha

    ye kaisi dariya-dili hai saqi hawas bhi dil ki hui na puri

    jo ki inayat bhi to adhuri agar diya bhi to jam aadha

    nazar jo paD jae us ke qamat pe bas qayamat hi aae 'anjum'

    zamin mein gaD jae sarw KHajlat se us ki waqt-e-KHiram aadha

    Source:

    Deewan-e-Anjum(website) (Pg. 12)

    • Author: Mirza Asman Jah Anjum
      • Edition: 1959
      • Publisher: Raja Ram Kumar Book Depot, Lucknow
      • Year of Publication: 1959
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now