hawa badan mein kisi yaad ki chali jab bhi

havā badan meñ kisī yaad kī chalī jab bhī

mujhe lagā mujhe chhū kar guzar gayā hai koī

maiñ ek barg thā aur peḌ se jhaḌā huā thā

yahāñ vahāñ kī havā mujh ko le ke uḌtī phirī

ga.e huoñ ne palaT kar kabhī nahīñ dekhā

ye jānte hue bhī dil ne zid nahīñ chhoḌī

idhar udhar kī sunī to ḳhayāl baTne lagā

zarā sā shor thamā to fazā badalne lagī

ajiib hālat-e-dil hai ki kuchh ḳhabar hī nahīñ

maiñ dil-girafta nahīñ huuñ to kyoñ ye habs-e-damī

hawa badan mein kisi yaad ki chali jab bhi

mujhe laga mujhe chhu kar guzar gaya hai koi

main ek barg tha aur peD se jhaDa hua tha

yahan wahan ki hawa mujh ko le ke uDti phiri

gae huon ne palaT kar kabhi nahin dekha

ye jaante hue bhi dil ne zid nahin chhoDi

idhar udhar ki suni to KHayal baTne laga

zara sa shor thama to faza badalne lagi

ajib haalat-e-dil hai ki kuchh KHabar hi nahin

main dil-girafta nahin hun to kyon ye habs-e-dami