hawa bahut tez chal rahi hai charagh-e-jaan phir bhi jal raha hai

Ghayas Mateen

hawa bahut tez chal rahi hai charagh-e-jaan phir bhi jal raha hai

Ghayas Mateen

MORE BYGhayas Mateen

    havā bahut tez chal rahī hai charāġh-e-jāñ phir bhī jal rahā hai

    ye kaun hai jo hamāre pīchhe havā ke hamrāh chal rahā hai

    gumāñ bastī meñ rahne vaalo zarā pahāḌī pe chaḌh ke dekho

    udhar nadī hai vahīñ se shahr-e-yaqīñ rasta nikal rahā hai

    sarāb-andar-sarāb tum ho charāġh-andar-charāġh ham haiñ

    hamīñ se tārīkiyāñ haiñ ḳhā.if hamīñ se ḳhurshed jal rahā hai

    hamāre bachche yahāñ raheñge to āñdhiyoñ meñ ghire raheñge

    unheñ yahāñ se nikalnā hogā yahāñ manzar badal rahā hai

    purānī qabroñ pe aaj kitne na.e makānoñ zindagī hai

    jo aaj hai bas usī ko dekho vo bhuul jaao jo kal rahā hai

    kisī ne shāne pe haath rakh kar jo naam pūchhā 'matīn' apnā

    charāġh āñkhoñ meñ jal-bujhe haiñ vajūd saarā pighal rahā hai

    hawa bahut tez chal rahi hai charagh-e-jaan phir bhi jal raha hai

    ye kaun hai jo hamare pichhe hawa ke hamrah chal raha hai

    guman ki basti mein rahne walo zara pahaDi pe chaDh ke dekho

    udhar nadi hai wahin se shahr-e-yaqin ka rasta nikal raha hai

    sarab-andar-sarab tum ho charagh-andar-charagh hum hain

    hamin se tarikiyan hain KHaif hamin se KHurshed jal raha hai

    hamare bachche yahan rahenge to aandhiyon mein ghire rahenge

    unhen yahan se nikalna hoga yahan ka manzar badal raha hai

    purani qabron pe aaj kitne nae makanon ki zindagi hai

    jo aaj hai bas usi ko dekho wo bhul jao jo kal raha hai

    kisi ne shane pe hath rakh kar jo nam puchha 'matin' apna

    charagh aankhon mein jal-bujhe hain wajud sara pighal raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY