hawa-e-fasl-e-gul ke sath barq-e-shoala-bar aai

havā-e-fasl-e-gul ke saath barq-e-'sho.ala'-bār aa.ī

nasheman meñ lagī hai aag gulshan meñ bahār aa.ī

guloñ par tāzgī aa.ī na bād-e-itr-e-bār aa.ī

jahān-e-rañg-o-bū meñ naam ko fasl-e-bahār aa.ī

khilā ġhuncha na dil kā garche gulshan meñ bahār aa.ī

havā-e-mausam-e-gul bhī na us ko sāzgār aa.ī

guloñ par aisī ġhaflat thī na chauñke sahn-e-gulshan meñ

jagāne ke liye fariyād-e-bulbul go hazār aa.ī

sabab us ke sivā kuchh bhī nahīñ aañsū bahāne kā

ki shabnam be-sabātī-e-jahāñ pur-ashk-bār aa.ī

satā kar shaad hote haiñ ye fitrat hai hasīnoñ kī

jo rone par mire un ko hañsī be-iḳhtiyār aa.ī

fazā-e-sahn-e-gulshan bhī na thī ḳhālī kudūrat se

nasīm-e-sub.h bhī ālūda-e-gard-o-ġhubār aa.ī

nafas kī āmad-o-shud kā bharosa kuchh nahīñ 'sho.ala'

payām-e-maut le kar ḳhud hayāt-e-musta.ār aa.ī

hawa-e-fasl-e-gul ke sath barq-e-'shoala'-bar aai

nasheman mein lagi hai aag gulshan mein bahaar aai

gulon par tazgi aai na baad-e-itr-e-bar aai

jahan-e-rang-o-bu mein nam ko fasl-e-bahaar aai

khila ghuncha na dil ka garche gulshan mein bahaar aai

hawa-e-mausam-e-gul bhi na us ko sazgar aai

gulon par aisi ghaflat thi na chaunke sahn-e-gulshan mein

jagane ke liye fariyaad-e-bulbul go hazar aai

sabab us ke siwa kuchh bhi nahin aansu bahane ka

ki shabnam be-sabaati-e-jahan pur-ashk-bar aai

sata kar shad hote hain ye fitrat hai hasinon ki

jo rone par mere un ko hansi be-iKHtiyar aai

faza-e-sahn-e-gulshan bhi na thi KHali kudurat se

nasim-e-subh bhi aaluda-e-gard-o-ghubar aai

nafas ki aamad-o-shud ka bharosa kuchh nahin 'shoala'

payam-e-maut le kar KHud hayat-e-mustaar aai