hawa-e-hijr mein jo kuchh tha ab ke KHak hua

havā-e-hijr meñ jo kuchh thā ab ke ḳhaak huā

ki pairahan to gayā thā badan bhī chaak huā

ab us se tark-e-ta.alluq karūñ to mar jā.ūñ

badan se ruuh kā is darja ishtirāk huā

yahī ki sab kī kamāneñ hamīñ pe TuuTī haiñ

chalo hisāb-e-saf-e-dostāñ to paak huā

vo be-sabab yūñhī rūThā hai lamha-bhar ke liye

ye sāneha na sahī phir bhī karb-nāk huā

usī ke qurb ne taqsīm kar diyā āḳhir

vo jis kā hijr mujhe vaj.h-e-inhimāk huā

shadīd vaar na dushman diler thā 'mohsin'

maiñ apnī be-ḳhabarī se magar halāk huā

hawa-e-hijr mein jo kuchh tha ab ke KHak hua

ki pairahan to gaya tha badan bhi chaak hua

ab us se tark-e-talluq karun to mar jaun

badan se ruh ka is darja ishtirak hua

yahi ki sab ki kamanen hamin pe TuTi hain

chalo hisab-e-saf-e-dostan to pak hua

wo be-sabab yunhi ruTha hai lamha-bhar ke liye

ye saneha na sahi phir bhi karb-nak hua

usi ke qurb ne taqsim kar diya aaKHir

wo jis ka hijr mujhe wajh-e-inhimak hua

shadid war na dushman diler tha 'mohsin'

main apni be-KHabari se magar halak hua