hawa-e-mausam-e-gul se lahu lahu tum the

havā-e-mausam-e-gul se lahū lahū tum the

khile the phuul magar un meñ surḳh-rū tum the

zarā sī der ko mausam kā zikr aayā thā

phir us ke ba.ad to mauzū-e-guftugū tum the

aur ab ki jab sūrat nahīñ talāfī kī

maiñ tum se kaise kahūñ merī aarzū tum the

kahāniyoñ meñ to ye kaam azhdahe kā thā

mirī jab aañkh khulī mere chār-sū tum the

hawa-e-mausam-e-gul se lahu lahu tum the

khile the phul magar un mein surKH-ru tum the

zara si der ko mausam ka zikr aaya tha

phir us ke baad to mauzu-e-guftugu tum the

aur ab ki jab surat nahin talafi ki

main tum se kaise kahun meri aarzu tum the

kahaniyon mein to ye kaam azhdahe ka tha

meri jab aankh khuli mere chaar-su tum the