hawa-e-shab bhi hai ambar-afshan uruj bhi hai mah-e-mubin ka
hawa-e-shab bhi hai ambar-afshan uruj bhi hai mah-e-mubin ka
Akbar Allahabadi
MORE BYAkbar Allahabadi
havā-e-shab bhī hai ambar-afshāñ uruuj bhī hai mah-e-mubīñ kā
nisār hone kī do ijāzat mahal nahīñ hai nahīñ nahīñ kā
agar ho zauq-e-sujūd paidā sitāra ho auj par jabīñ kā
nishān-e-sajda zamīn par ho to faḳhr hai vo ruḳh-e-zamīñ kā
sabā bhī us gul ke paas aa.ī to mere dil ko huā ye khaTkā
koī shagūfa na ye khilā.e payām laa.ī na ho kahīñ kā
na mehr o mah par mirī nazar hai na lāla-o-gul kī kuchh ḳhabar hai
faroġh-e-dil ke liye hai kaafī tasavvur us rū-e-ātishīñ kā
na ilm-e-fitrat meñ tum ho māhir na zauq-e-tā.at hai tum se zāhir
ye be-usūlī bahut burī hai tumheñ na rakkhegī ye kahīñ kā
hawa-e-shab bhi hai ambar-afshan uruj bhi hai mah-e-mubin ka
nisar hone ki do ijazat mahal nahin hai nahin nahin ka
agar ho zauq-e-sujud paida sitara ho auj par jabin ka
nishan-e-sajda zamin par ho to faKHr hai wo ruKH-e-zamin ka
saba bhi us gul ke pas aai to mere dil ko hua ye khaTka
koi shagufa na ye khilae payam lai na ho kahin ka
na mehr o mah par meri nazar hai na lala-o-gul ki kuchh KHabar hai
farogh-e-dil ke liye hai kafi tasawwur us ru-e-atishin ka
na ilm-e-fitrat mein tum ho mahir na zauq-e-taat hai tum se zahir
ye be-usuli bahut buri hai tumhein na rakkhegi ye kahin ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
