hawa-e-tund hai be-samt-o-be-qarina bhi

havā-e-tund hai be-samt-o-be-qarīna bhī

ravāñ-davāñ isī aalam meñ hai safīna bhī

ḳharāsh-e-zehn bhī hai zīnat-e-nigāh bhī hai

ye zindagī ḳhas-o-ḳhāshāk bhī nagīna bhī

ye chashm-e-nam ki hai dānā-e-ġham baḌī shai hai

chhupā huā hai isī ḳhaak meñ ḳhazīna bhī

khilā gulāb to manzar badal gayā saarā

jamāl-e-sub.h bhī hairat bhī ābgīna bhī

baras rahī hai havā-e-tarab to yaad aayā

machal rahī hai fazā meñ navā-e-sīna bhī

hazār lutf-o-ināyat ba-pā.emālī-e-dil

milā hai husn-e-ḳhudā-dād ko qarīna bhī

hawa-e-tund hai be-samt-o-be-qarina bhi

rawan-dawan isi aalam mein hai safina bhi

KHarash-e-zehn bhi hai zinat-e-nigah bhi hai

ye zindagi KHas-o-KHashak bhi nagina bhi

ye chashm-e-nam ki hai dana-e-gham baDi shai hai

chhupa hua hai isi KHak mein KHazina bhi

khila gulab to manzar badal gaya sara

jamal-e-subh bhi hairat bhi aabgina bhi

baras rahi hai hawa-e-tarab to yaad aaya

machal rahi hai faza mein nawa-e-sina bhi

hazar lutf-o-inayat ba-paemali-e-dil

mila hai husn-e-KHuda-dad ko qarina bhi