hawa ka hukm bhi ab ke nazar mein rakkha jae

havā kā hukm bhī ab ke nazar meñ rakkhā jaa.e

kisī bhī ruḳh pe darīcha na ghar meñ rakkhā jaa.e

ye kā.enāt abhī tak mire tavāf meñ hai

ajab nahīñ ise yūñhī safar meñ rakkhā jaa.e

maiñ sañg-e-sāda huuñ lekin mirī ye hasrat hai

makān dost ke dīvār-o-dar meñ rakkhā jaa.e

ye jal-bujhegā isī zo.am-e-āgahī ke sabab

diye ko aur na bāb-e-ḳhabar meñ rakkhā jaa.e

nasha uḌaan kā aise utarne vaalā nahīñ

kuchh aur vazn mire bāl-o-par meñ rakkhā jaa.e

koī kahīñ na kahīñ ik kamī sī hai mujh meñ

mujhe dobāra gul-e-kūza-gar meñ rakkhā jaa.e

vo ā.īna hai to hairat kisī jamāl kī ho

jo sañg hai to kahīñ rahguzar meñ rakkhā jaa.e

vo chāhtā hai ki 'tāriq'-na.īm tujh ko bhī

tamām umr usī ke asar meñ rakkhā jaa.e

hawa ka hukm bhi ab ke nazar mein rakkha jae

kisi bhi ruKH pe daricha na ghar mein rakkha jae

ye kaenat abhi tak mere tawaf mein hai

ajab nahin ise yunhi safar mein rakkha jae

main sang-e-sada hun lekin meri ye hasrat hai

makan dost ke diwar-o-dar mein rakkha jae

ye jal-bujhega isi zoam-e-agahi ke sabab

diye ko aur na bab-e-KHabar mein rakkha jae

nasha uDan ka aise utarne wala nahin

kuchh aur wazn mere baal-o-par mein rakkha jae

koi kahin na kahin ek kami si hai mujh mein

mujhe dobara gul-e-kuza-gar mein rakkha jae

wo aaina hai to hairat kisi jamal ki ho

jo sang hai to kahin rahguzar mein rakkha jae

wo chahta hai ki 'tariq'-naim tujh ko bhi

tamam umr usi ke asar mein rakkha jae