hawa ke dosh pe kis ke payam aate hain
havā ke dosh pe kis ke payām aate haiñ
hamāre ghar ke dar-o-bām mahke jaate haiñ
maiñ sūkhī Daal huuñ lekin tumhārī yādoñ ke
parinde aa ke sar-e-shām baiTh jaate haiñ
hamārī āñkhoñ meñ yuuñ intizār raushan hai
nadī meñ jaise ka.ī diip jhilmilāte haiñ
chalī haiñ daur-e-taraqqī kī āñdhiyāñ kyā kyā
sharāfatoñ ke dar-o-bām TuuTe jaate haiñ
dhuñdlakā shaam kā chhāne lagā hai sochtī huuñ
ki is samay to parinde bhī lauT aate haiñ
ye zindagī vo kaḌī dhuup hai 'nasīm' yahāñ
na jaane kitne hare peḌ suukh jaate haiñ
hawa ke dosh pe kis ke payam aate hain
hamare ghar ke dar-o-baam mahke jate hain
main sukhi Dal hun lekin tumhaari yaadon ke
parinde aa ke sar-e-sham baiTh jate hain
hamari aankhon mein yun intizar raushan hai
nadi mein jaise kai dip jhilmilate hain
chali hain daur-e-taraqqi ki aandhiyan kya kya
sharafaton ke dar-o-baam TuTe jate hain
dhundlaka sham ka chhane laga hai sochti hun
ki is samay to parinde bhi lauT aate hain
ye zindagi wo kaDi dhup hai 'nasim' yahan
na jaane kitne hare peD sukh jate hain
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
