hawa ke ruKH pe charagh-e-visal rahta hai

havā ke ruḳh pe charāġh-e-visāl rahtā hai

bisāt-e-zehn pe terā ḳhayāl rahtā hai

yahāñ to roz hī mar jaatā hai koī na koī

mujhe sukūn se jiinā muhāl rahtā hai

jo masḳh chehroñ ko detā hai rang-e-husn-o-jamāl

vo fan-shi'ār hī be-ḳhadd-o-ḳhāl rahtā hai

haiñ dekhe saañp ke phan pe bhī ham ne naqsh-o-nigār

kahāñ kahāñ tirā dast-e-kamāl rahtā hai

jamāl-e-husn-e-tabassum hai chehra chehra magar

diloñ meñ ḳhushiyoñ kā phir bhī akaal rahtā hai

ujāle jis tarah tārīkiyoñ kā maz.har haiñ

haañ rif'atoñ meñ hī pinhāñ zavāl rahtā hai

jahāñ pe sach kī gavāhī meñ bol uTheñ patthar

vahāñ javāb se ḳhā.if savāl rahtā hai

jo bāñTtā hai masarrat kī har taraf sauġhāt

ba-zāt-e-ḳhud vo ġhamoñ se nidhāl rahtā hai

hawa ke ruKH pe charagh-e-visal rahta hai

bisat-e-zehn pe tera KHayal rahta hai

yahan to roz hi mar jata hai koi na koi

mujhe sukun se jina muhaal rahta hai

jo masKH chehron ko deta hai rang-e-husn-o-jamal

wo fan-shi'ar hi be-KHadd-o-KHal rahta hai

hain dekhe sanp ke phan pe bhi hum ne naqsh-o-nigar

kahan kahan tera dast-e-kamal rahta hai

jamal-e-husn-e-tabassum hai chehra chehra magar

dilon mein KHushiyon ka phir bhi akal rahta hai

ujale jis tarah tarikiyon ka mazhar hain

han rif'aton mein hi pinhan zawal rahta hai

jahan pe sach ki gawahi mein bol uThen patthar

wahan jawab se KHaif sawal rahta hai

jo banTta hai masarrat ki har taraf saughat

ba-zat-e-KHud wo ghamon se nidhaal rahta hai