hawaon mein dilon ka karwan hai

havāoñ meñ diloñ kā kārvāñ hai

muqaddas ishq jab se mehrbāñ hai

mire dil ko sukūñ aayā yahīñ par

baḌā maḳhsūs terā āstāñ hai

vo mujh se duur jā.egā bhī kaise

jo merī ruuh ke andar nihāñ hai

mohabbat ke safar par jaao lekin

vahāñ har moḌ par ik imtihāñ hai

mire dil par usī kī hai hukūmat

lakīroñ meñ mirī jis kā nishāñ hai

chhupā saktī nahīñ us se maiñ kuchh bhī

mirā har raaz to us par ayaañ hai

firāq-o-vasl kī had se nikal kar

ajab se moḌ par ab dāstāñ hai

mileñ haiñ chand lamhe khul ke jī leñ

vagarna zindagī to rā.egāñ hai

hawaon mein dilon ka karwan hai

muqaddas ishq jab se mehrban hai

mere dil ko sukun aaya yahin par

baDa maKHsus tera aastan hai

wo mujh se dur jaega bhi kaise

jo meri ruh ke andar nihan hai

mohabbat ke safar par jao lekin

wahan har moD par ek imtihan hai

mere dil par usi ki hai hukumat

lakiron mein meri jis ka nishan hai

chhupa sakti nahin us se main kuchh bhi

mera har raaz to us par ayan hai

firaq-o-wasl ki had se nikal kar

ajab se moD par ab dastan hai

milen hain chand lamhe khul ke ji len

wagarna zindagi to raegan hai