hawas bala ki mohabbat hamein bala ki hai

havas balā kī mohabbat hameñ balā kī hai

kabhī butoñ kī ḳhushāmad kabhī ḳhudā kī hai

kisī ko chāhne vaale yahī to karte haiñ

baḌā kamāl kiyā hai agar vafā kī hai

guzar-basar hai hamārī faqat qanā'at par

nasīb ne yahī rozī hameñ 'atā kī hai

tamām raat paḌī thī guzārne ke liye

chunāñche ḳhatm surāhī zarā zarā kī hai

sharāb se koī raġhbat nahīñ hai muhtasibo

hakīm ne hameñ tajvīz ye davā kī hai

zarā sī der ko aa.e the shaiḳh idhar lekin

yahīñ janāb ne maġhrib yahīñ ishā kī hai

tumhārā chehra-e-pur-nūr dekhtā huuñ to

yaqīn hī nahīñ aatā ki jism ḳhākī hai

'sha'ūr' ḳhud ko zahīn aadmī samajhte haiñ

ye sādgī hai to vallāh intihā kī hai

hawas bala ki mohabbat hamein bala ki hai

kabhi buton ki KHushamad kabhi KHuda ki hai

kisi ko chahne wale yahi to karte hain

baDa kamal kiya hai agar wafa ki hai

guzar-basar hai hamari faqat qana'at par

nasib ne yahi rozi hamein 'ata ki hai

tamam raat paDi thi guzarne ke liye

chunanche KHatm surahi zara zara ki hai

sharab se koi raghbat nahin hai muhtasibo

hakim ne hamein tajwiz ye dawa ki hai

zara si der ko aae the shaiKH idhar lekin

yahin janab ne maghrib yahin isha ki hai

tumhaara chehra-e-pur-nur dekhta hun to

yaqin hi nahin aata ki jism KHaki hai

'sha'ur' KHud ko zahin aadmi samajhte hain

ye sadgi hai to wallah intiha ki hai