hayat hai ki musalsal safar ka aalam hai

hayāt hai ki musalsal safar kā aalam hai

har ek saañs meñ vahshī ġhazāl kā ram hai

jahāñ azal se ghaTā-Top zulmateñ haiñ muhīt

vahāñ bhī aaj farozāñ nigāh-e-ādam hai

unhīñ ke ḳhuun se damkegā kal ruḳh-e-gītī

hayāt jin ke liye aaj sāġhar-e-sam hai

usī kī aañch se pighlegā zindagī kā jumūd

jo soz aaj ba-zāhir diloñ meñ kam kam hai

jahān-e-soz hai mere ḳhunuk tarānoñ meñ

maiñ vo sharār huuñ jis par ridā-e-shabnam hai

na jaane jaag uThe 'shād' kab nasīb-e-jahāñ

bahut dinoñ se mizāj-e-hayāt barham hai

hayat hai ki musalsal safar ka aalam hai

har ek sans mein wahshi ghazal ka ram hai

jahan azal se ghaTa-Top zulmaten hain muhit

wahan bhi aaj farozan nigah-e-adam hai

unhin ke KHun se damkega kal ruKH-e-giti

hayat jin ke liye aaj saghar-e-sam hai

usi ki aanch se pighlega zindagi ka jumud

jo soz aaj ba-zahir dilon mein kam kam hai

jahan-e-soz hai mere KHunuk taranon mein

main wo sharar hun jis par rida-e-shabnam hai

na jaane jag uThe 'shad' kab nasib-e-jahan

bahut dinon se mizaj-e-hayat barham hai