hayat hai mere dil ki kisi ki zinda yaad

hayāt hai mire dil kī kisī kī zinda yaad

usī se hai ye daraḳhshāñ usī se hai ābād

vafā na ho to mohabbat kā e'tibār nahīñ

jafā na ho to hai ye dilbarī bhī be-buniyād

tamām jism hai fāsid tamām jism ḳharāb

agar na jaa.e kisī aadmī ke dil kā fasād

ab ek qissa-e-māzī hai zulm-e-chañgezī

ki ho ga.e haiñ na.ī qism ke sitam ījād

mujhe batāo jagah vo jahāñ mile mujh ko

jigar kā soz nazar kā hijāb dil kī kushād

mire yaqīñ kī hai buniyād aql se mohkam

tumhāre shakk-o-taraddud kī sust hai buniyād

'urūj' fikr-e-asīrī se zehn ḳhālī kar

balā se jism hai mahbūs dil to hai āzād

hayat hai mere dil ki kisi ki zinda yaad

usi se hai ye daraKHshan usi se hai aabaad

wafa na ho to mohabbat ka e'tibar nahin

jafa na ho to hai ye dilbari bhi be-buniyaad

tamam jism hai fasid tamam jism KHarab

agar na jae kisi aadmi ke dil ka fasad

ab ek qissa-e-mazi hai zulm-e-changezi

ki ho gae hain nai qism ke sitam ijad

mujhe batao jagah wo jahan mile mujh ko

jigar ka soz nazar ka hijab dil ki kushad

mere yaqin ki hai buniyaad aql se mohkam

tumhaare shakk-o-taraddud ki sust hai buniyaad

'uruj' fikr-e-asiri se zehn KHali kar

bala se jism hai mahbus dil to hai aazad