hayat ki be-ruKHi nai hai na apni kam-maegi nai hai

hayāt kī be-ruḳhī na.ī hai na apnī kam-mā.egī na.ī hai

phir aaj jazbāt-e-ġham kī maujoñ meñ kaisī ye bekalī na.ī hai

na jaane harf-e-talab hai nādim ki be-zabānī zabāñ hai apnī

dhaḌak rahā hai dil-e-tamannā ki manzil-e-āshiqī na.ī hai

vahī hai jaada vahī safar hai vahī hai manzar vahī nazar hai

magar ba-andāz-e-āshnā.ī hamārī vāraftagī na.ī hai

zavāl-e-hastī ke nauha-ḳhvāñ the koī hamārī zabāñ na samjhā

bujhe haiñ sīnoñ meñ dil sabhī ke ki apnī āshuftagī na.ī hai

jo harf dil par raqam kiye the vo le uḌeñ yaas kī havā.eñ

ab is bayābān-e-ārzū meñ hamārī bechārgī na.ī hai

na koī dard-āshnā na hamdam na koī soz-e-darūñ kā mahram

hameñ yahāñ ajnabī haiñ jaane ki saarī duniyā na.ī na.ī hai

maiñ naqd-e-jāñ tak luTā chukī thī nafas meñ sho.ale jalā chukī thī

tilism-e-ḳhvāb ab kahāñ se aayā ye manzil-e-be-ḳhudī na.ī hai

hayat ki be-ruKHi nai hai na apni kam-maegi nai hai

phir aaj jazbaat-e-gham ki maujon mein kaisi ye bekali nai hai

na jaane harf-e-talab hai nadim ki be-zabani zaban hai apni

dhaDak raha hai dil-e-tamanna ki manzil-e-ashiqi nai hai

wahi hai jada wahi safar hai wahi hai manzar wahi nazar hai

magar ba-andaz-e-ashnai hamari waraftagi nai hai

zawal-e-hasti ke nauha-KHwan the koi hamari zaban na samjha

bujhe hain sinon mein dil sabhi ke ki apni aashuftagi nai hai

jo harf dil par raqam kiye the wo le uDen yas ki hawaen

ab is bayaban-e-arzu mein hamari bechaargi nai hai

na koi dard-ashna na hamdam na koi soz-e-darun ka mahram

hamein yahan ajnabi hain jaane ki sari duniya nai nai hai

main naqd-e-jaan tak luTa chuki thi nafas mein shoale jala chuki thi

tilism-e-KHwab ab kahan se aaya ye manzil-e-be-KHudi nai hai