hayat-o-marg ka uqda kusha hone nahin deta

hayāt-o-marg kā uqda kushā hone nahīñ detā

vo jaane kyuuñ mujhe rāz-āshnā hone nahīñ detā

use kis darja apne husn-e-yaktā.ī kī chāhat hai

vo apnā sā koī bhī dūsrā hone nahīñ detā

ḳhirad bhaTkā.e hai aksar dalā.el se aqīdat ko

magar gumrāh terā naqsh-e-pā hone nahīñ detā

jo chhū luuñ āsmāñ paañv kī dhartī khīñch letā hai

vo mujh ko kyuuñ mire qad se baḌā hone nahīñ detā

javāñ-lāshe pe haiñ shikva-ba-lab kāñdhe za.īfī ke

agar vo chāhtā ye hādisa hone nahīñ detā

hayat-o-marg ka uqda kusha hone nahin deta

wo jaane kyun mujhe raaz-ashna hone nahin deta

use kis darja apne husn-e-yaktai ki chahat hai

wo apna sa koi bhi dusra hone nahin deta

KHirad bhaTkae hai aksar dalael se aqidat ko

magar gumrah tera naqsh-e-pa hone nahin deta

jo chhu lun aasman panw ki dharti khinch leta hai

wo mujh ko kyun mere qad se baDa hone nahin deta

jawan-lashe pe hain shikwa-ba-lab kandhe zaifi ke

agar wo chahta ye hadisa hone nahin deta