hazar bar dikhai gai pari-surat

hazār baar dikhā.ī ga.ī parī-sūrat

nigāh ko na tashaffī huī kisī sūrat

maiñ apne aap se uktā ke tere paas aayā

tirī nazar meñ milī phir mujhe mirī sūrat

isī umiid pe sāñsoñ se jang jaarī hai

kabhī to rū-barū hogī mire tirī sūrat

hisār-e-zāt se niklā to ye khulā mujh par

bhalī ke bhes meñ pinhāñ thī kyā burī sūrat

ḳhatā mu'āf ki hai mo'tarif tirā 'hāmid'

tire 'alāva bachī hī nahīñ koī sūrat

hazar bar dikhai gai pari-surat

nigah ko na tashaffi hui kisi surat

main apne aap se ukta ke tere pas aaya

teri nazar mein mili phir mujhe meri surat

isi umid pe sanson se jang jari hai

kabhi to ru-baru hogi mere teri surat

hisar-e-zat se nikla to ye khula mujh par

bhali ke bhes mein pinhan thi kya buri surat

KHata mu'af ki hai mo'tarif tera 'hamid'

tere 'alawa bachi hi nahin koi surat