hazar bach ke chale har tarah se dur kiya

hazār bach ke chale har tarah se duur kiyā

usī ḳhayāl ne dil meñ magar zuhūr kiyā

vo mere rang kā 'aadī maiñ us kī ḳhushbū kā

qiyām ham ne magar kitnā duur duur kiyā

bas ek baar jhukāyā thā sar tire dar par

phir us ke baa'd to ham ne bahut ġhurūr kiyā

uḌaa.e jaate hamesha patang kī sūrat

salām un ko jinhoñ ne hameñ tuyūr kiyā

bas apne dil ke ḳhudā se kalām karte rahe

aur apne ḳhaak ke tuude ko koh-e-tūr kiyā

kaThin dinoñ meñ bhī kyā kyā maze kiye 'bāqar'

milā ke zikr tirā ġham ko bhī surūr kiyā

hazar bach ke chale har tarah se dur kiya

usi KHayal ne dil mein magar zuhur kiya

wo mere rang ka 'adi main us ki KHushbu ka

qiyam hum ne magar kitna dur dur kiya

bas ek bar jhukaya tha sar tere dar par

phir us ke ba'd to hum ne bahut ghurur kiya

uDae jate hamesha patang ki surat

salam un ko jinhon ne hamein tuyur kiya

bas apne dil ke KHuda se kalam karte rahe

aur apne KHak ke tude ko koh-e-tur kiya

kaThin dinon mein bhi kya kya maze kiye 'baqar'

mila ke zikr tera gham ko bhi surur kiya