hazar jaan se sahab nisar hum bhi hain

Aagha Akbarabadi

hazar jaan se sahab nisar hum bhi hain

Aagha Akbarabadi

MORE BYAagha Akbarabadi

    hazār jaan se sāhab nisār ham bhī haiñ

    tumhārī tīr-e-nigah ke shikār ham bhī haiñ

    azal se dāḳhil-e-fard-e-shumār ham bhī haiñ

    tumhāre chāhne vāloñ meñ yaar ham bhī haiñ

    hamesha ham se kudūrat rahī hasīnoñ ko

    na dil se nikle kabhī vo ġhubār ham bhī haiñ

    musāfiroñ tavāzo se naam hotā hai

    karam karo ki ġharīb-ud-dayār ham bhī haiñ

    sharāb piite haiñ to jāgte haiñ saarī raat

    mudām ābid-e-shab-zinda-dār ham bhī haiñ

    hazār baar hasīnoñ se ham ne nok

    guloñ aañkh meñ khaTke vo ḳhaar ham bhī haiñ

    ajiib rutba ināyat kiyā hai qambar ko

    ġhulām shah-e-duldul-savār ham bhī haiñ

    junūñ ke haath se hai in dinoñ garebāñ tañg

    qabā pukārtī hai taar taar ham bhī haiñ

    baḌe chāliye haiñ chaal chalte haiñ har dam

    vo chūkte nahīñ par hoshiyār ham bhī haiñ

    raqīb ko bhī hai baar un bazm meñ 'āġhā'

    sharīk-e-sohbat-e-bos-o-kanār ham bhī haiñ

    hazar jaan se sahab nisar hum bhi hain

    tumhaari tir-e-nigah ke shikar hum bhi hain

    azal se daKHil-e-fard-e-shumar hum bhi hain

    tumhaare chahne walon mein yar hum bhi hain

    hamesha hum se kudurat rahi hasinon ko

    na dil se nikle kabhi wo ghubar hum bhi hain

    musafiron ki tawazo se nam hota hai

    karam karo ki gharib-ud-dayar hum bhi hain

    sharab pite hain to jagte hain sari raat

    mudam aabid-e-shab-zinda-dar hum bhi hain

    hazar bar hasinon se hum ne nok ki li

    gulon ki aankh mein khaTke wo KHar hum bhi hain

    ajib rutba inayat kiya hai qambar ko

    ghulam ya shah-e-duldul-sawar hum bhi hain

    junun ke hath se hai in dinon gareban tang

    qaba pukarti hai tar tar hum bhi hain

    baDe hi chaaliye hain chaal chalte hain har dam

    wo chukte nahin par hoshiyar hum bhi hain

    raqib ko bhi hai bar un ki bazm mein 'agha'

    sharik-e-sohbat-e-bos-o-kanar hum bhi hain

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY