hazar ranj sahi is qadar udas na ho
hazār ranj sahī is qadar udaas na ho
udaas hone lage bām-o-dar udaas na ho
kisī daraḳht ke saa.e meñ vo nahīñ baiThe
udaas logoñ ne sochā shajar udaas na ho
udāsī jaise ki us ke badan kā hissa hai
adhūrā lagtā hai vo shaḳhs agar udaas na ho
shikasta dil ko Dubo degā aañkh kā paanī
ai ham-safar tū mirī naav par udaas na ho
ka.ī maraz to faqat is liye chhupā.e the
mujhe ye Dar thā mirā chārāgar udaas na ho
hazar ranj sahi is qadar udas na ho
udas hone lage baam-o-dar udas na ho
kisi daraKHt ke sae mein wo nahin baiThe
udas logon ne socha shajar udas na ho
udasi jaise ki us ke badan ka hissa hai
adhura lagta hai wo shaKHs agar udas na ho
shikasta dil ko Dubo dega aankh ka pani
ai ham-safar tu meri naw par udas na ho
kai maraz to faqat is liye chhupae the
mujhe ye Dar tha mera chaaragar udas na ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
