hazar wade kiye hain tumne kabhi kisi ko wafa na karna

Qurban Ali Salik Beg

hazar wade kiye hain tumne kabhi kisi ko wafa na karna

Qurban Ali Salik Beg

MORE BYQurban Ali Salik Beg

    hazār va.ade kiye haiñ tum ne kabhī kisī ko vafā na karnā

    chalo usī par jo ġhair kah deñ kahīñ hamārā kahā na karnā

    agar na sunte ho baat merī to sabr aa jaa.e ko mere

    sitam hai un ko ḳhamosh rahnā ġhazab hai sun kar sunā na karnā

    ḳhushī hai un ko ye jāntā huuñ magar maiñ rakhne ko baat apnī

    kahūñ ye un se ki ba.ad-e-murdan tum aa ke mātam mirā na karnā

    vo jāneñ ishq-o-havas ko jab tak hayāt dushman hai ġhanīmat

    baḌhegī us se qadr apnī ki ġhārat us ko ḳhudā na karnā

    sabab maraz hai tark-e-ādat yahāñ yahāñ haiñ dard-o-alam ḳhūgar

    yahī samajhnā davā hamārī ki chāra-sāzo davā na karnā

    agar hai aanā to ab bhī aao na tañg aa kar vo kuchh kareñ ham

    ki jis ko sun kar kahe zamāna kiyā vo us ne jo thā na karnā

    ye ek muddat hai tavaqqo.a miTā na denā ilāhī is ko

    agar hai manzūr paas us zuhūr roz-e-jazā na karnā

    hameñ to marnā hai āḳhir ik din tumhāre sar ho ke mar raheñge

    satā.e jaanā tumheñ qasam hai kamī na karnā ḳhatā na karnā

    batā rahe haiñ falak ko dushman vo muntaqim hai kare jo chāhe

    uThe hue haiñ jo haath apne tasavvur us ko duā na karnā

    kaheñ adū burā.iyāñ kyā mile ho us se milo va-lekin

    batā.e dete haiñ is liye ham ki ham se aa kar gilā na karnā

    laboñ pe rahnā ki jab tak ummīd-e-āmad us hai mujh ko baaqī

    kare na va.ada vafā agar vo to mujh se ai jaañ vafā na karnā

    yahīñ ho apnā haal dushman mile na dozaḳh balā se us ko

    na nikle jab tak ye hasrat apnī ilāhī mahshar bapā na karnā

    hayā parda hai varna tum to hue pashemān-e-jañg-e-dushman

    nahīñ ho fikr musālahat meñ to ham se mil kar hayā na karnā

    saheñge jo kuchh paḌegī ham par balā meñ phañste ho kis liye tum

    agar hai manzūr ḳhair 'sālik' to zikr un se mirā na karnā

    hazar wade kiye hain tum ne kabhi kisi ko wafa na karna

    chalo usi par jo ghair kah den kahin hamara kaha na karna

    agar na sunte ho baat meri to sabr aa jae ji ko mere

    sitam hai un ko KHamosh rahna ghazab hai sun kar suna na karna

    KHushi hai un ko ye jaanta hun magar main rakhne ko baat apni

    kahun ye un se ki baad-e-murdan tum aa ke matam mera na karna

    wo jaanen ishq-o-hawas ko jab tak hayat dushman ki hai ghanimat

    baDhegi us se hi qadr apni ki ghaarat us ko KHuda na karna

    sabab maraz ka hai tark-e-adat yahan yahan hain dard-o-alam ki KHugar

    yahi samajhna dawa hamari ki chaara-sazo dawa na karna

    agar hai aana to ab bhi aao na tang aa kar wo kuchh karen hum

    ki jis ko sun kar kahe zamana kiya wo us ne jo tha na karna

    ye ek muddat ki hai tawaqqoa miTa na dena ilahi is ko

    agar hai manzur pas us ka zuhur roz-e-jaza na karna

    hamein to marna hai aaKHir ek din tumhaare sar ho ke mar rahenge

    satae jaana tumhein qasam hai kami na karna KHata na karna

    bata rahe hain falak ko dushman wo muntaqim hai kare jo chahe

    uThe hue hain jo hath apne tasawwur us ko dua na karna

    kahen adu ki buraiyan kya mile ho us se milo wa-lekin

    batae dete hain is liye hum ki hum se aa kar gila na karna

    labon pe rahna ki jab tak ummid-e-amad us ki hai mujh ko baqi

    kare na wada wafa agar wo to mujh se ai jaan wafa na karna

    yahin ho apna sa haal dushman mile na dozaKH bala se us ko

    na nikle jab tak ye hasrat apni ilahi mahshar bapa na karna

    haya ka parda hai warna tum to hue pasheman-e-jang-e-dushman

    nahin ho fikr musalahat mein to hum se mil kar haya na karna

    sahenge jo kuchh paDegi hum par bala mein phanste ho kis liye tum

    agar hai manzur KHair 'salik' to zikr un se mera na karna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY