hazar ki aaKHiri had ka azab hona paDa

hazar kī āḳhirī had kā azaab honā paḌā

hameñ bhī maslahatan bāzyāb honā paḌā

tire havās pe taarī thā ab bichhaḌ jaanā

maiñ hosh meñ thī magar nīm-ḳhvāb honā paḌā

hameñ koī to sune ek aarzū meñ faqat

kisī ke haath meñ khele rabāb honā paḌā

tirī kitāb kā har lafz jis kā chehra thā

ye kyā sitam ki use sirf baab honā paḌā

tū shaah thā hī nahīñ faqr terā pesha thā

ho ḳhair terī tujhe kyoñ ḳharāb honā paḌā

hazar ki aaKHiri had ka azab hona paDa

hamein bhi maslahatan bazyab hona paDa

tere hawas pe tari tha ab bichhaD jaana

main hosh mein thi magar nim-KHwab hona paDa

hamein koi to sune ek aarzu mein faqat

kisi ke hath mein khele rabab hona paDa

teri kitab ka har lafz jis ka chehra tha

ye kya sitam ki use sirf bab hona paDa

tu shah tha hi nahin faqr tera pesha tha

ho KHair teri tujhe kyon KHarab hona paDa