hijab ban ke wo meri nazar mein rahta hai
hijab ban ke wo meri nazar mein rahta hai
Chandra Parkash Jauhar Bijnauri
MORE BYChandra Parkash Jauhar Bijnauri
hijāb ban ke vo merī nazar meñ rahtā hai
mujhī se parda hai mere hī ghar meñ rahtā hai
kabhī kisī kā tajassus kabhī ḳhud apnī talāsh
ajiib dil hai hamesha safar meñ rahtā hai
jise ḳhayāl se chhūte hue bhī Dartā huuñ
ik aisā husn bhī merī nazar meñ rahtā hai
jise kisī se koī vāsta nahīñ hotā
sukūñ ke saath vahī apne ghar meñ rahtā hai
jis ek lamhe se sadiyāñ badaltī jaatī haiñ
vo ek lamha musalsal safar meñ rahtā hai
tamām shahr ko hai jis pe naaz ai 'jauhar'
ik aisā shaḳhs hamāre nagar meñ rahtā hai
hijab ban ke wo meri nazar mein rahta hai
mujhi se parda hai mere hi ghar mein rahta hai
kabhi kisi ka tajassus kabhi KHud apni talash
ajib dil hai hamesha safar mein rahta hai
jise KHayal se chhute hue bhi Darta hun
ek aisa husn bhi meri nazar mein rahta hai
jise kisi se koi wasta nahin hota
sukun ke sath wahi apne ghar mein rahta hai
jis ek lamhe se sadiyan badalti jati hain
wo ek lamha musalsal safar mein rahta hai
tamam shahr ko hai jis pe naz ai 'jauhar'
ek aisa shaKHs hamare nagar mein rahta hai
Source:
Rooh-e-Ghazal,Pachas Sala Intekhab (Pg. 191)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
