hijr o visal ki sardi garmi sahta hai

Zaheer Kashmiri

hijr o visal ki sardi garmi sahta hai

Zaheer Kashmiri

MORE BYZaheer Kashmiri

    hijr o visāl sardī garmī sahtā hai

    dil darvesh hai phir bhī raazī rahtā hai

    phuul se itnā rabt baḌhānā Thiik nahīñ

    qatra-e-shabnam uḌte uḌte kahtā hai

    is kuTiyā ko Dhāne vaale ġhaur se sun

    is kuTiyā meñ terā dhyān bhī rahtā hai

    har aañsū meñ ātish āmezish hai

    dil meñ shāyad aag dariyā bahtā hai

    mujh se bichhaḌ kar pahroñ royā kartā thā

    vo jo mere haal pe hañstā rahtā hai

    dil ko shāyad fasl-e-bahārāñ raas nahīñ

    baaġh meñ rah kar ḳhushbū ke dukh sahtā hai

    maiñ ne us ko apnā masīhā maan liyā

    saarā zamāna jis ko qātil kahtā hai

    taarā taarā hijr ke qissa phaile haiñ

    aañsū aañsū dil sāgar bahtā hai

    un hoñToñ se yuuñ ristī hai baat 'zahīr'

    jaise ik naġhmoñ jharnā bahtā hai

    hijr o visal ki sardi garmi sahta hai

    dil darwesh hai phir bhi raazi rahta hai

    phul se itna rabt baDhana Thik nahin

    qatra-e-shabnam uDte uDte kahta hai

    is kuTiya ko Dhane wale ghaur se sun

    is kuTiya mein tera dhyan bhi rahta hai

    har aansu mein aatish ki aamezish hai

    dil mein shayad aag ka dariya bahta hai

    mujh se bichhaD kar pahron roya karta tha

    wo jo mere haal pe hansta rahta hai

    dil ko shayad fasl-e-bahaaran ras nahin

    bagh mein rah kar KHushbu ke dukh sahta hai

    main ne us ko apna masiha man liya

    sara zamana jis ko qatil kahta hai

    tara tara hijr ke qissa phaile hain

    aansu aansu dil ka sagar bahta hai

    un honTon se yun risti hai baat 'zahir'

    jaise ek naghmon ka jharna bahta hai

    Source:

    • Book : kulliyat-e-zahiir (Pg. 395)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY