hijr se baat ki visal ke baad

hijr se baat kī visāl ke baa'd

ab ke aanā to māh-o-sāl ke baa'd

jaise aayā thā maazī haal ke baa'd

kyā junūb aa.egā shumāl ke baa'd

baat se baat chaltī rahtī hai

ḳhatm ho jaatī hai misāl ke baa'd

ik ḳhamoshī hisār kī mānind

pahle aur āḳhirī savāl ke baad

ek sail-e-malāl har jānib

ik malāl aur ik malāl ke baa'd

ik ḳhamoshī ravāñ-davāñ har-sū

kyā ḳhamoshī hai qīl-o-qāl ke baa'd

us kī sūrat-garī meñ roz-o-shab

ḳhvāb ham dekhte ḳhayāl ke baa'd

dast-o-bāzū meñ āsmān-o-zamīñ

aur kyā faal nek-fāl ke baa'd

marg ik māñdgī kā vaqfa hai

zindagī ye to ehtimāl ke baa'd

hijr se baat ki visal ke ba'd

ab ke aana to mah-o-sal ke ba'd

jaise aaya tha mazi haal ke ba'd

kya junub aaega shumal ke ba'd

baat se baat chalti rahti hai

KHatm ho jati hai misal ke ba'd

ek KHamoshi hisar ki manind

pahle aur aaKHiri sawal ke baad

ek sail-e-malal har jaanib

ek malal aur ek malal ke ba'd

ek KHamoshi rawan-dawan har-su

kya KHamoshi hai qil-o-qal ke ba'd

us ki surat-gari mein roz-o-shab

KHwab hum dekhte KHayal ke ba'd

dast-o-bazu mein aasman-o-zamin

aur kya fal nek-fal ke ba'd

marg ek mandgi ka waqfa hai

zindagi ye to ehtimal ke ba'd