hijrat ne yun kiya hai mujhe meri man se dur

hijrat ne yuuñ kiyā hai mujhe merī maañ se duur

yuuñ lag rahā hai jaise huuñ maiñ jism-o-jāñ se duur

rūh-o-badan kā rishta makīn-o-makāñ kā hai

matlab hai maut kā ki makīñ hai makāñ se duur

bāñheñ chhuḌā ke jab vo gayā mere paas se

mujh ko lagā ki maiñ huā dārul-amāñ se duur

jaao kahīñ bhī maut tumheñ aa.egī zarūr

jaanā hai ek roz sabhī ko yahāñ se duur

alfāz bhī haiñ tiir zabāñ bhī hai ik kamāñ

be-soche-samjhe tiir na karnā kamāñ se duur

patjhaḌ meñ jis shajar se vo guzrā to yuuñ huā

aa.ī bahār ho ga.e patte ḳhizāñ se duur

'kāshif' bahut hī soch ke ham ne kiyā hai ishq

sūd-o-ziyāñ se duur tumhāre jahāñ se duur

hijrat ne yun kiya hai mujhe meri man se dur

yun lag raha hai jaise hun main jism-o-jaan se dur

ruh-o-badan ka rishta makin-o-makan ka hai

matlab hai maut ka ki makin hai makan se dur

banhen chhuDa ke jab wo gaya mere pas se

mujh ko laga ki main hua darul-aman se dur

jao kahin bhi maut tumhein aaegi zarur

jaana hai ek roz sabhi ko yahan se dur

alfaz bhi hain tir zaban bhi hai ek kaman

be-soche-samjhe tir na karna kaman se dur

patjhaD mein jis shajar se wo guzra to yun hua

aai bahaar ho gae patte KHizan se dur

'kashif' bahut hi soch ke hum ne kiya hai ishq

sud-o-ziyan se dur tumhaare jahan se dur