hijraton ki god mein palte rahe

hijratoñ kī god meñ palte rahe

the vafāoñ ke diye jalte rahe

dāġh-e-hijrat se milī taskīn-e-jāñ

hasratoñ meñ log kuchh jalte rahe

jin ko da.avā thā raheñge saath saath

vaqt-e-ruḳhsat haath hī malte rahe

maujzan gum-gashta manzil kī lagan

kārvāñ-dar-kārvāñ chalte rahe

ik ziyā-pāshī muhīt-e-bazm thī

dāġh-hā-e-dil jahāñ jalte rahe

eqtidār-o-sarvat-o-satvat sabhī

umr-e-rafta kī tarah Dhalte rahe

dekhnā 'sādiq' ma.āl-e-dostāñ

nār-e-buġhz-o-kīñ meñ jo jalte rahe

hijraton ki god mein palte rahe

the wafaon ke diye jalte rahe

dagh-e-hijrat se mili taskin-e-jaan

hasraton mein log kuchh jalte rahe

jin ko dawa tha rahenge sath sath

waqt-e-ruKHsat hath hi malte rahe

maujzan gum-gashta manzil ki lagan

karwan-dar-karwan chalte rahe

ek ziya-pashi muhit-e-bazm thi

dagh-ha-e-dil jahan jalte rahe

eqtidar-o-sarwat-o-satwat sabhi

umr-e-rafta ki tarah Dhalte rahe

dekhna 'sadiq' maal-e-dostan

nar-e-bughz-o-kin mein jo jalte rahe