hirs-o-hawas ke nam ye din raat ki talab

hirs-o-havas ke naam ye din raat kī talab

imdād kī umiid mafādāt kī talab

vo sānehe ki soch badalnī paḌī mujhe

paidā.eshī nahīñ thī ḳhayālāt kī talab

maiñ bhī kisī masīhā ke huuñ intizār meñ

tum ko bhī ġhāliban hai karāmāt kī talab

ḳhabroñ meñ ek lutf kā pahlū to hai magar

achchhī nahīñ hai itnī bhī hālāt kī talab

kaisā ajiib rog mire jī ko lag gayā

har vaqt hai kisī se mulāqāt kī talab

jur.at se apnī ḳhud bhī maiñ hairān huuñ bahut

baḌhtī hī jā rahī hai savālāt kī talab

tū bhī gunāhgār yaqīnan hai zaat kā

'saurabh' tirī sazā bhī vahī zaat kī talab

hirs-o-hawas ke nam ye din raat ki talab

imdad ki umid mafadat ki talab

wo sanehe ki soch badalni paDi mujhe

paidaeshi nahin thi KHayalat ki talab

main bhi kisi masiha ke hun intizar mein

tum ko bhi ghaaliban hai karamat ki talab

KHabron mein ek lutf ka pahlu to hai magar

achchhi nahin hai itni bhi haalat ki talab

kaisa ajib rog mere ji ko lag gaya

har waqt hai kisi se mulaqat ki talab

jurat se apni KHud bhi main hairan hun bahut

baDhti hi ja rahi hai sawalat ki talab

tu bhi gunahgar yaqinan hai zat ka

'saurabh' teri saza bhi wahi zat ki talab