hisar-e-zat se bahar na apne ghar mein hain

hisār-e-zāt se bāhar na apne ghar meñ haiñ

ham is zamīñ kī tarah mustaqil safar meñ haiñ

bhaTak rahe haiñ añdhere musāfiroñ kī tarah

ujāle mahv-e-sukūñ dāman-e-sahar meñ haiñ

jinheñ ḳhabar hī nahīñ sharh-e-zindagī kyā hai

vo mujrmoñ kī tarah qaid apne ghar meñ haiñ

to e'tibār-e-shab-e-intizār hai jānāñ

tire firāq ke mausam mirī nazar meñ haiñ

jo be-qarār haiñ un ko kahīñ qarār nahīñ

nasīb vaale sitāroñ kī rahguzar meñ haiñ

'ḳhayāl' āmad-e-fasl-e-bahār hai shāyad

jo sust-e-gām the vo log bhī safar meñ haiñ

hisar-e-zat se bahar na apne ghar mein hain

hum is zamin ki tarah mustaqil safar mein hain

bhaTak rahe hain andhere musafiron ki tarah

ujale mahw-e-sukun daman-e-sahar mein hain

jinhen KHabar hi nahin sharh-e-zindagi kya hai

wo mujrmon ki tarah qaid apne ghar mein hain

to e'tibar-e-shab-e-intizar hai jaanan

tere firaq ke mausam meri nazar mein hain

jo be-qarar hain un ko kahin qarar nahin

nasib wale sitaron ki rahguzar mein hain

'KHayal' aamad-e-fasl-e-bahaar hai shayad

jo sust-e-gam the wo log bhi safar mein hain