ho agar uljhan ya koi gham tu mujhse baat kar

ho agar uljhan yā koī ġham tū mujh se baat kar

yuuñ na kar āñkhoñ ko apnī nam tū mujh se baat kar

kaun sī shai āsmāñ meñ hai nihāñ mujh ko batā

kyoñ bhalā dekhe idhar har dam tū mujh se baat kar

guftugū se hī yahāñ par hal koī ho pā.egā

ḳhāmushī kar degī ye be-dam tū mujh se baat kar

kyā diyā hai aap ne juz mujh ko ik tasvīr ke

haañ usī se kahtī huuñ hamdam tū mujh se baat kar

chaar din key ziist meñ bas chaar pal ḳhushiyoñ ke haiñ

kis liye phir raat din mātam tū mujh se baat kar

'rīt' kyā tanhā safar sach meñ tujhe khalne lagā

kyā nahīñ kahtā koī jānam tū mujh se baat kar

ho agar uljhan ya koi gham tu mujh se baat kar

yun na kar aankhon ko apni nam tu mujh se baat kar

kaun si shai aasman mein hai nihan mujh ko bata

kyon bhala dekhe idhar har dam tu mujh se baat kar

guftugu se hi yahan par hal koi ho paega

KHamushi kar degi ye be-dam tu mujh se baat kar

kya diya hai aap ne juz mujh ko ek taswir ke

han usi se kahti hun hamdam tu mujh se baat kar

chaar din key zist mein bas chaar pal KHushiyon ke hain

kis liye phir raat din matam tu mujh se baat kar

'rit' kya tanha safar sach mein tujhe khalne laga

kya nahin kahta koi jaanam tu mujh se baat kar