ho ata sahba-e-gham ka aur paimana abhi

ho 'atā sahbā-e-ġham kā aur paimāna abhī

tishnagī baaqī hai merī pīr-e-mai-ḳhāna abhī

aa.e ḳhalvat meñ na yā-rab koī begāna abhī

sun rahe haiñ vo hamāre ġham kā afsāna abhī

ro diye sun kar jise vo muḳhtasar tamhīd thī

dard meñ Duubā huā baaqī hai afsāna abhī

merī qismat kā badal jaanā to kuchh mushkil nahīñ

josh meñ aa.ī nahīñ shān-e-karīmāna abhī

dil to pahlī hī nazar meñ kar chuke un par nisār

jaan bhī de deñ ki baaqī hai ye nazrāna abhī

inkishāf-e-rāz-e-hastī ġhair-mumkin to nahīñ

hosh meñ aayā nahīñ hai terā dīvāna abhī

jo razā-e-dost ko rakhtā nahīñ pesh-e-nazar

'ishq ke maslak se hai 'āshiq' vo begāna abhī

ho 'ata sahba-e-gham ka aur paimana abhi

tishnagi baqi hai meri pir-e-mai-KHana abhi

aae KHalwat mein na ya-rab koi begana abhi

sun rahe hain wo hamare gham ka afsana abhi

ro diye sun kar jise wo muKHtasar tamhid thi

dard mein Duba hua baqi hai afsana abhi

meri qismat ka badal jaana to kuchh mushkil nahin

josh mein aai nahin shan-e-karimana abhi

dil to pahli hi nazar mein kar chuke un par nisar

jaan bhi de den ki baqi hai ye nazrana abhi

inkishaf-e-raaz-e-hasti ghair-mumkin to nahin

hosh mein aaya nahin hai tera diwana abhi

jo raza-e-dost ko rakhta nahin pesh-e-nazar

'ishq ke maslak se hai 'ashiq' wo begana abhi