ho chuka jo ki muqaddar mein tha darman hona

Mirza Altaf Husain Alim Lucknowi

ho chuka jo ki muqaddar mein tha darman hona

Mirza Altaf Husain Alim Lucknowi

MORE BYMirza Altaf Husain Alim Lucknowi

    ho chukā jo ki muqaddar meñ thā darmāñ honā

    ab tire haath hai mushkil mirī āsāñ honā

    thā jo maqsūm meñ sharminda-e-ehsāñ honā

    ġhair ke haath rahā dafn sāmāñ honā

    husn ishq vaadī meñ numāyāñ honā

    ramz thā din ko sar-e-tūr charāġhāñ honā

    lazzat-e-dard-e-jarāhat to mire dil se na pūchh

    pahlū-e-zaḳhm meñ lāzim thā namak-dāñ honā

    ik qayāmat samāñ thā tirā ai sub.h-e-vatan

    parda-e-shām-e-ġharībāñ numāyāñ honā

    ḳhāna-barbādiyāñ har samt se ghere haiñ mujhe

    dar-o-dīvār pa likkhā hai bayābāñ honā

    imtihāñ-gāh-e-mohabbat meñ na jaane kyā ho

    qahr sāmnā hai teġh uryāñ honā

    aa rahī haiñ ye umīdoñ sadā.eñ paiham

    go safar saḳht hai lekin na hirāsāñ honā

    merī turbat bhī banī aisī zamīñ pe 'ālim'

    jis taqdīr meñ likkhā thā bayābāñ honā

    ho chuka jo ki muqaddar mein tha darman hona

    ab tere hath hai mushkil meri aasan hona

    tha jo maqsum mein sharminda-e-ehsan hona

    ghair ke hath raha dafn ka saman hona

    husn ka ishq ki wadi mein numayan hona

    ramz tha din ko sar-e-tur charaghan hona

    lazzat-e-dard-e-jarahat to mere dil se na puchh

    pahlu-e-zaKHm mein lazim tha namak-dan hona

    ek qayamat ka saman tha tera ai subh-e-watan

    parda-e-sham-e-ghariban ka numayan hona

    KHana-barbaadiyan har samt se ghere hain mujhe

    dar-o-diwar pa likkha hai bayaban hona

    imtihan-gah-e-mohabbat mein na jaane kya ho

    qahr ka samna hai tegh ka uryan hona

    aa rahi hain ye umidon ki sadaen paiham

    go safar saKHt hai lekin na hirasan hona

    meri turbat bhi bani aisi zamin pe 'alim'

    jis ki taqdir mein likkha tha bayaban hona

    Source
    • Book : Intekhab-e-Kuliyat Aalim Lucknowi (Pg. 257)
    • Author : Mirza Mohammad Yousuf
    • Publication : M. R. Publication (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY