ho gae hum jahan se begane

ho ga.e ham jahāñ se begāne

vahshatoñ aur ġhamoñ ke dīvāne

ab hamārī koī talab hī nahīñ

haal apnā to bas ḳhudā jaane

nekiyāñ nāma-e-siyāh meñ haiñ

jaise naalī meñ kuchh guhar daane

dostoñ se vafā kī aas kahāñ

ham to chit ho ga.e sabhī ḳhāne

tum nazar hī se kah ga.e hote

lafz se māvarā haiñ parvāne

aao pī kar ke hāo-hū hī kareñ

koī masjid nahīñ haiñ maiḳhāne

shaiḳh ne ishq kar diyā jaa.ez

pā ga.e jab diloñ ke nazrāne

ai na.ī nasl tum hī kaam karo

ham sabhī ho ga.e haiñ afsāne

'kāshif' ab ishq meñ hī jannat hai

koī maane yā phir nahīñ maane

ho gae hum jahan se begane

wahshaton aur ghamon ke diwane

ab hamari koi talab hi nahin

haal apna to bas KHuda jaane

nekiyan nama-e-siyah mein hain

jaise nali mein kuchh guhar dane

doston se wafa ki aas kahan

hum to chit ho gae sabhi KHane

tum nazar hi se kah gae hote

lafz se mawara hain parwane

aao pi kar ke hao-hu hi karen

koi masjid nahin hain maiKHane

shaiKH ne ishq kar diya jaez

pa gae jab dilon ke nazrane

ai nai nasl tum hi kaam karo

hum sabhi ho gae hain afsane

'kashif' ab ishq mein hi jannat hai

koi mane ya phir nahin mane