ho gai apnon ki zahir dushmani achchha hua

ho ga.ī apnoñ kī zāhir dushmanī achchhā huā

chhoḌ dī ham ne bhī un kī dostī achchhā huā

bach ga.e apnoñ ke har mashq-e-sitam se shukr hai

dostoñ ne ham ko samjhā ajnabī achchhā huā

jis ko jiine kā zarā sā bhī nahīñ thā hausla

Dar ke ġham se mar gayā vo aadmī achchhā huā

jaane maiñ aur tū ke jhagḌe kaise suljhāte bhī ham

aa ga.ī thī kaam apnī be-ḳhudī achchhā huā

shaam ke saa.e se bhī Dartī rahī jo raushnī

khā ga.ī us raushnī ko tīrgī achchhā huā

ġham hī apnā yaar hai dil se judā hotā nahīñ

chand lamhoñ kī ḳhushī ab jā chukī achchhā huā

kaun detā mujh ko un kī bevafā.ī kā subūt

aap ne kar dī kahī ko an-kahī achchhā huā

mujh ko dīvāna samajh kar log mujh se duur haiñ

muft meñ jo mujh pe ye tohmat lagī achchhā huā

is tarah se laaj rakh lī ham ne 'asġhar' pyaar kī

rote rote aa ga.ī lab par hañsī achchhā huā

ho gai apnon ki zahir dushmani achchha hua

chhoD di hum ne bhi un ki dosti achchha hua

bach gae apnon ke har mashq-e-sitam se shukr hai

doston ne hum ko samjha ajnabi achchha hua

jis ko jine ka zara sa bhi nahin tha hausla

Dar ke gham se mar gaya wo aadmi achchha hua

jaane main aur tu ke jhagDe kaise suljhate bhi hum

aa gai thi kaam apni be-KHudi achchha hua

sham ke sae se bhi Darti rahi jo raushni

kha gai us raushni ko tirgi achchha hua

gham hi apna yar hai dil se juda hota nahin

chand lamhon ki KHushi ab ja chuki achchha hua

kaun deta mujh ko un ki bewafai ka subut

aap ne kar di kahi ko an-kahi achchha hua

mujh ko diwana samajh kar log mujh se dur hain

muft mein jo mujh pe ye tohmat lagi achchha hua

is tarah se laj rakh li hum ne 'asghar' pyar ki

rote rote aa gai lab par hansi achchha hua