ho gai barham nigah-e-shauq shayad yar ki

ho ga.ī barham nigāh-e-shauq shāyad yaar kī

ujḌī ujḌī sī hai sūrat nargis-e-bīmār kī

jaam par jaam aaj saaqī ne nigāhoñ se diye

phir bhī bhartī hī nahīñ niyyat kisī mai-ḳhvār kī

phir nigāhoñ meñ koī sūrat kabhī utrī nahīñ

dekh lī thī ik jhalak maiñ ne jamāl-e-yār kī

phūñk degā terī bīnā.ī jamāl-e-rū-e-yār

taab phir lā.egā kaise husn ke dīdār kī

aa.ine 'zīshān' bikhre haiñ zamīñ par TuuT kar

sah na paa.e ye bhī shiddat garmi-e-ruḳhsār kī

ho gai barham nigah-e-shauq shayad yar ki

ujDi ujDi si hai surat nargis-e-bimar ki

jam par jam aaj saqi ne nigahon se diye

phir bhi bharti hi nahin niyyat kisi mai-KHwar ki

phir nigahon mein koi surat kabhi utri nahin

dekh li thi ek jhalak main ne jamal-e-yar ki

phunk dega teri binai jamal-e-ru-e-yar

tab phir laega kaise husn ke didar ki

aaine 'zishan' bikhre hain zamin par TuT kar

sah na pae ye bhi shiddat garmi-e-ruKHsar ki