ho gaya jis din se apna dil udas

ho gayā jis din se apnā dil udaas

ho ga.ī duniyā kī har mahfil udaas

dāġh-hā-e-yās se hai dil udaas

sham-e-mahfil se huī mahfil udaas

marne vaale jitne the kyā mar ga.e

phir rahā hai aaj kyoñ qātil udaas

dast-e-qātil meñ hinā hai ḳhuuñ nahīñ

is liye hai shoḳhī-e-qātil udaas

pher lī kis ne mohabbat kī nigāh

ho rahā hai kyoñ hamārā dil udaas

vaqt-e-āḳhir kyoñ na ho afsurdagī

sub.h ko ho jaatī hai mahfil udaas

bekasī gor-e-ġharībāñ kī na pūchh

uf hai kaTtī āḳhirī manzil udaas

aa.egā haañ vo sitamgar aa.egā

ho na itnā 'muztar'-e-be-dil udaas

ho gaya jis din se apna dil udas

ho gai duniya ki har mahfil udas

dagh-ha-e-yas se hai dil udas

sham-e-mahfil se hui mahfil udas

marne wale jitne the kya mar gae

phir raha hai aaj kyon qatil udas

dast-e-qatil mein hina hai KHun nahin

is liye hai shoKHi-e-qatil udas

pher li kis ne mohabbat ki nigah

ho raha hai kyon hamara dil udas

waqt-e-aKHir kyon na ho afsurdagi

subh ko ho jati hai mahfil udas

bekasi gor-e-ghariban ki na puchh

uf hai kaTti aaKHiri manzil udas

aaega han wo sitamgar aaega

ho na itna 'muztar'-e-be-dil udas