ho jate hain jab aap bhi hairan dekh kar

ho jaate haiñ jab aap bhī hairān dekh kar

hañstā huuñ apnā chaak garebān dekh kar

phūloñ kā rañg-o-rūp nikhartā chalā gayā

nāzuk laboñ pe aap ke muskān dekh kar

ik bevafā kā pyaar mujhe yaad aa gayā

daur-e-ḳhizāñ meñ baaġh ko vīrān dekh kar

chalte haiñ jab vo naaz se kahtī hai yuuñ bahār

ai dilrubā sambhal ke mirī jaan dekh kar

ahl-e-vafā ko apnī vafāoñ pe naaz hai

jaur-o-sitam pe un ko pashemān dekh kar

kuchh to ḳhudā ke vāste batlāo kyā huā

bechain huuñ maiñ tum ko pareshān dekh kar

anvar janāb-e-shaiḳh kī niyyat badal ga.ī

bāzār meñ sharāb kī dūkān dekh kar

ho jate hain jab aap bhi hairan dekh kar

hansta hun apna chaak gareban dekh kar

phulon ka rang-o-rup nikharta chala gaya

nazuk labon pe aap ke muskan dekh kar

ek bewafa ka pyar mujhe yaad aa gaya

daur-e-KHizan mein bagh ko viran dekh kar

chalte hain jab wo naz se kahti hai yun bahaar

ai dilruba sambhal ke meri jaan dekh kar

ahl-e-wafa ko apni wafaon pe naz hai

jaur-o-sitam pe un ko pasheman dekh kar

kuchh to KHuda ke waste batlao kya hua

bechain hun main tum ko pareshan dekh kar

anwar janab-e-shaiKH ki niyyat badal gai

bazar mein sharab ki dukan dekh kar