ho ke bas insan hairan sar pakaD kar baiTh jae

ho ke bas insān hairāñ sar pakaḌ kar baiTh jaa.e

kyā ban aa.e us ghaḌī jab vo bigaḌ kar baiTh jaa.e

tū vo aafat hai koī tujh se uThā saktā hai dil

dekh le koī jo tujh ko dil pakaḌ kar baiTh jaa.e

vasl meñ bhī us se kah saktā nahīñ kuchh ḳhauf se

duur khich kar paas se mere na maḌ kar baiTh jaa.e

dosto merī nahīñ taqsīr dil dene meñ kuchh

dil vo le kar hī uThe jab paas aḌ kar baiTh jaa.e

is ḳhushāmad se mirā kuchh mudda.ā hī aur hai

chāhte ho tum ye mere paañv paḌ kar baiTh jaa.e

us kā bal khā kar vo uThnā paas se mere ġhazab

aur ik aafat hai jo vo khich kar akaḌ kar baiTh jaa.e

muft le lete haiñ dil āshiq se apne vo 'nizām'

laakh phir māñge koī thak kar jhagaḌ kar baiTh jaa.e

ho ke bas insan hairan sar pakaD kar baiTh jae

kya ban aae us ghaDi jab wo bigaD kar baiTh jae

tu wo aafat hai koi tujh se uTha sakta hai dil

dekh le koi jo tujh ko dil pakaD kar baiTh jae

wasl mein bhi us se kah sakta nahin kuchh KHauf se

dur khich kar pas se mere na maD kar baiTh jae

dosto meri nahin taqsir dil dene mein kuchh

dil wo le kar hi uThe jab pas aD kar baiTh jae

is KHushamad se mera kuchh muddaa hi aur hai

chahte ho tum ye mere panw paD kar baiTh jae

us ka bal kha kar wo uThna pas se mere ghazab

aur ek aafat hai jo wo khich kar akaD kar baiTh jae

muft le lete hain dil aashiq se apne wo 'nizam'

lakh phir mange koi thak kar jhagaD kar baiTh jae