ho ke mismar girne wali hai

ho ke mismār girne vaalī hai

dil kī dīvār girne vaalī hai

jhuriyāñ paḌ rahī haiñ chehre par

dil kī sarkār girne vaalī hai

ab to aa jaao ke mirī ye aañkh

ho ke bīmār girne vaalī hai

ham mohabbat meñ jhuk ga.e ya.anī

sar se dastār girne vaalī hai

dil ke ziine se yād-e-jānāñ phir

ban ke lāchār girne vaalī hai

ik parī-rū hamārī bāñhoñ meñ

karke siñgār girne vaalī hai

ab kabūtar yahāñ nahīñ aate

ab ye mīnār girne vaalī hai

ek tajallī tumhāre 'sāhil' par

isī itvār girne vaalī hai

ho ke mismar girne wali hai

dil ki diwar girne wali hai

jhuriyan paD rahi hain chehre par

dil ki sarkar girne wali hai

ab to aa jao ke meri ye aankh

ho ke bimar girne wali hai

hum mohabbat mein jhuk gae yani

sar se dastar girne wali hai

dil ke zine se yaad-e-jaanan phir

ban ke lachaar girne wali hai

ek pari-ru hamari banhon mein

karke singar girne wali hai

ab kabutar yahan nahin aate

ab ye minar girne wali hai

ek tajalli tumhaare 'sahil' par

isi itwar girne wali hai