ho raha jo tum samjhe faisla KHuda ka hai

ho rahā jo tum samjhe faisla ḳhudā kā hai

ye sila to insāñ kī apnī hī ḳhatā kā hai

lag ga.ī vabā-e-be-e'tibārī insāñ ko

pochhiye na mujh se haal ab ki jo davā kā hai

hālat-e-dil-e-nādāñ kyoñ bigaḌtī jaa.e hai

ab ki mujh pe saaya shāyad kisī balā kā hai

āh-o-zārī vīrānī bebasī-o-nādārī

ai ḳhudā ye haal ab kyoñ banda-e-ḳhudā kā hai

ab rahī diyānat-dārī na hī vafādārī

log kahte haiñ bas ye mas.ala vafā kā hai

zulm kī taraf-dārī aise kyoñ kare koī

maan lījiye saarā mas.ala anā kā hai

bujh ga.e charāġh āḳhir kyoñ patā chalā 'hasrat'

ye qusūr saare kā saarā bas havā kā hai

ho raha jo tum samjhe faisla KHuda ka hai

ye sila to insan ki apni hi KHata ka hai

lag gai waba-e-be-e'tibari insan ko

pochhiye na mujh se haal ab ki jo dawa ka hai

haalat-e-dil-e-nadan kyon bigaDti jae hai

ab ki mujh pe saya shayad kisi bala ka hai

aah-o-zari virani bebasi-o-nadari

ai KHuda ye haal ab kyon banda-e-KHuda ka hai

ab rahi diyanat-dari na hi wafadari

log kahte hain bas ye masala wafa ka hai

zulm ki taraf-dari aise kyon kare koi

man lijiye sara masala ana ka hai

bujh gae charagh aaKHir kyon pata chala 'hasrat'

ye qusur sare ka sara bas hawa ka hai