hone se mere farq hi paDta tha bhala kya

hone se mire farq hī paḌtā thā bhalā kyā

maiñ aaj na jaagā to saverā na huā kyā

sab bhīgī ruteñ niiñd ke us paar haiñ shāyad

lagtī hai zarā aañkh to aatī hai havā kyā

ham khoj meñ jis kī haiñ pareshān azal se

bīmār kī āñkhoñ ne vo dar DhūñD liyā kyā

maqtūl ko bāñhoñ meñ liye baiThā rahūñ kyuuñ

is jurm se lenā hai use aur maza kyā

dīvār qafas kī ho ki ghar kī mujhe kyā farq

tafrīh ke sāmāñ hoñ mayassar to sazā kyā

aisā to kabhī raqs meñ be-ḳhud na havā maiñ

mai-ḳhāne ke māhaul meñ hotā hai nasha kyā

ye dhuup kī tezī ye sarāboñ kī sajāvaT

sahrā ne junūñ ko mire pahchān liyā kyā

hone se mere farq hi paDta tha bhala kya

main aaj na jaga to sawera na hua kya

sab bhigi ruten nind ke us par hain shayad

lagti hai zara aankh to aati hai hawa kya

hum khoj mein jis ki hain pareshan azal se

bimar ki aankhon ne wo dar DhunD liya kya

maqtul ko banhon mein liye baiTha rahun kyun

is jurm se lena hai use aur maza kya

diwar qafas ki ho ki ghar ki mujhe kya farq

tafrih ke saman hon mayassar to saza kya

aisa to kabhi raqs mein be-KHud na hawa main

mai-KHane ke mahaul mein hota hai nasha kya

ye dhup ki tezi ye sarabon ki sajawaT

sahra ne junun ko mere pahchan liya kya