honT bune wo rab ne had kar Dali hai
hoñT bune vo rab ne had kar Daalī hai
is pe bhī do do til kī rakhvālī hai
jo chakh le vo mai kā 'aadī ho jaa.e
yā'nī ki buniyād nashe pe Daalī hai
us ne pyaar se dekhā thā ik baar mujhe
maiñ sochā taqdīr badalne vaalī hai
rab kī nā-farmānī kā bhī ḳhauf nahīñ
kaun hai jis ne baat tumhārī Taalī hai
aaj use jī bhar ke maiñ ne dekhā hai
āñkho kī bīnā.ī jaane vaalī hai
us ke naḳhroñ kā mujh ko andāza hai
maiñ ne apne ghar meñ billī paalī hai
maiñ ne haqīqat meñ chāhā hai jis ko 'jalāl'
vo laḌkī ḳhvāboñ meñ milne vaalī hai
honT bune wo rab ne had kar Dali hai
is pe bhi do do til ki rakhwali hai
jo chakh le wo mai ka 'adi ho jae
ya'ni ki buniyaad nashe pe Dali hai
us ne pyar se dekha tha ek bar mujhe
main socha taqdir badalne wali hai
rab ki na-farmani ka bhi KHauf nahin
kaun hai jis ne baat tumhaari Tali hai
aaj use ji bhar ke main ne dekha hai
aankho ki binai jaane wali hai
us ke naKHron ka mujh ko andaza hai
main ne apne ghar mein billi pali hai
main ne haqiqat mein chaha hai jis ko 'jalal'
wo laDki KHwabon mein milne wali hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
