hosh jab paband-e-hasrat ho gaya

hosh jab pāband-e-hasrat ho gayā

naam majbūrī kā ulfat ho gayā

jaan denā jān-e-ishrat ho gayā

dekhnā un kā qayāmat ho gayā

ishq jab rang-e-tabī.at ho gayā

ishq kā chaskā musībat ho gayā

dekh uThtī umr kī nuz.hat ke saath

naaz tasvīr-e-qayāmat ho gayā

ibtilā-e-dilbarī meñ aañkh kī

ik zamāna ḳhūbsūrat ho gayā

but-kade kī dilkashī ke sāmne

ka.aba-e-dil naqsh-e-hairat ho gayā

sāġhar-o-bāda se ho kar muhtariz

hosh kā chāhā akārat ho gayā

barhaman rāh-e-tarīqat meñ rahā

shaiḳh mar kar rukn-e-jannat ho gayā

diid kā saudā huā jab se girāñ

sar jhukānā bhī ibādat ho gayā

shaad ho kar dekhte ho tum hameñ

yuuñ nuzūl-e-abr-e-rahmat ho gayā

hosh jab paband-e-hasrat ho gaya

nam majburi ka ulfat ho gaya

jaan dena jaan-e-ishrat ho gaya

dekhna un ka qayamat ho gaya

ishq jab rang-e-tabiat ho gaya

ishq ka chaska musibat ho gaya

dekh uThti umr ki nuzhat ke sath

naz taswir-e-qayamat ho gaya

ibtila-e-dilbari mein aankh ki

ek zamana KHubsurat ho gaya

but-kade ki dilkashi ke samne

kaba-e-dil naqsh-e-hairat ho gaya

saghar-o-baada se ho kar muhtariz

hosh ka chaha akarat ho gaya

barhaman rah-e-tariqat mein raha

shaiKH mar kar rukn-e-jannat ho gaya

did ka sauda hua jab se giran

sar jhukana bhi ibaadat ho gaya

shad ho kar dekhte ho tum hamein

yun nuzul-e-abr-e-rahmat ho gaya