howe mashhur na kyon aashiq-e-badnam bura
howe mashhur na kyon aashiq-e-badnam bura
Hakeem Aagha Jan Aish
MORE BYHakeem Aagha Jan Aish
hove mash.hūr na kyoñ āshiq-e-badnām burā
ishq kahte haiñ jise hai ye bahut kaam burā
dekheñ anjām ho kyā us kā ḳhudā ḳhair kare
dām-e-ulfat meñ phañsā hai dil-e-nākām burā
tū bhī āshiq ho kisī par to khule haal tujhe
dil lagā hotā hai sun o but-e-ḳhud-kām burā
nañg-o-ār un ko na ho milne se mere kyuuñ kar
sach hai kambaḳht is ulfat hī kā hai naam burā
'aish' āġhāz-e-mohabbat hī meñ thā dil ko kahā
dekh hotā hai bure kaam kā anjām burā
howe mashhur na kyon aashiq-e-badnam bura
ishq kahte hain jise hai ye bahut kaam bura
dekhen anjam ho kya us ka KHuda KHair kare
dam-e-ulfat mein phansa hai dil-e-nakaam bura
tu bhi aashiq ho kisi par to khule haal tujhe
dil laga hota hai sun o but-e-KHud-kaam bura
nang-o-ar un ko na ho milne se mere kyun kar
sach hai kambaKHt is ulfat hi ka hai nam bura
'aish' aaghaz-e-mohabbat hi mein tha dil ko kaha
dekh hota hai bure kaam ka anjam bura
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
