howen bar-aks bhala kyun na wo aghyar se KHush

hoveñ bar-aks bhalā kyuuñ na vo aġhyār se ḳhush

kisī ma.ashūq ko dekhā na vafādār se ḳhush

har duā par hameñ dushnām mayassar hai kahāñ

shāmat-e-nafs hai gar hoveñ na sarkār se ḳhush

naqd-e-dil bhī jo koī de ke na māñge bosa

vo huā karte haiñ bas aise ḳharīdār se ḳhush

ġhaur se maiñ ne jo dekhā to kahīñ aalam meñ

koī hogā na ziyāda tire bīmār se ḳhush

kyā ajab mujh se ḳhafā hove agar vo 'ārif'

kisī ma.ashūq ko dekhā na vafādār se ḳhush

howen bar-aks bhala kyun na wo aghyar se KHush

kisi mashuq ko dekha na wafadar se KHush

har dua par hamein dushnam mayassar hai kahan

shamat-e-nafs hai gar howen na sarkar se KHush

naqd-e-dil bhi jo koi de ke na mange bosa

wo hua karte hain bas aise KHaridar se KHush

ghaur se main ne jo dekha to kahin aalam mein

koi hoga na ziyaada tere bimar se KHush

kya ajab mujh se KHafa howe agar wo 'arif'

kisi mashuq ko dekha na wafadar se KHush