hua hai na hoga zamana kisi ka

huā hai na hogā zamāna kisī kā

uThānā kisī ko girānā kisī kā

ka.ī rahnumā the alāva bhī dil ke

magar ham ne kahnā na maanā kisī kā

ta.alluq kahāñ zindagī se hamārā

ta.āruf hai bas ġhā.ebāna kisī kā

muqaddar hī avval muqaddar hī āḳhir

na paanī kisī kā na daana kisī kā

jo baaqī bacheñge vo kaise jiyeñge

agar ho hī jaa.e zamāna kisī kā

binā vaj.h-e-azmat nazar meñ sabhī kī

jo kirdār thā mujrimāna kisī kā

zamāne ko bardāsht hotā nahīñ hai

nayā koī paudā lagānā kisī kā

bahut dard detā hai 'parvez' 'aḳhtar'

musalsal hameñ āzmānā kisī kā

vahāñ par haiñ 'parvez' ab ham jahāñ par

na aanā kisī kā na jaanā kisī kā

hua hai na hoga zamana kisi ka

uThana kisi ko girana kisi ka

kai rahnuma the alawa bhi dil ke

magar hum ne kahna na mana kisi ka

talluq kahan zindagi se hamara

taaruf hai bas ghaebana kisi ka

muqaddar hi awwal muqaddar hi aaKHir

na pani kisi ka na dana kisi ka

jo baqi bachenge wo kaise jiyenge

agar ho hi jae zamana kisi ka

bina wajh-e-azmat nazar mein sabhi ki

jo kirdar tha mujrimana kisi ka

zamane ko bardasht hota nahin hai

naya koi pauda lagana kisi ka

bahut dard deta hai 'parwez' 'aKHtar'

musalsal hamein aazmana kisi ka

wahan par hain 'parwez' ab hum jahan par

na aana kisi ka na jaana kisi ka