hua hai qata mera dast-e-mojaza tujh pe

huā hai qat.a mirā dast-e-mojaza tujh pe

giyāh-e-zard bahut hai ye sāneha tujh pe

maiñ chāhtā huuñ mujhe mash.aloñ ke saath jalā

kushāda-tar hai agar ḳhema-e-havā tujh pe

maiñ apne kushta charāġhoñ kā pul banā detā

kisī bhī shaam mirī nahr-e-pesh-pā tujh pe

ye koī kam hai ki ai reg-e-shīsha-e-sā.at

ugā rahā huuñ maiñ ik naḳhl-e-ā.īna tujh pe

ki ajnabī huuñ bahut sāya-e-shajar ke liye

so reg-e-zard meñ hotā huuñ rū-numā tujh pe

pukārtī hai mujhe ḳhāk-e-ḳhisht-e-paivasta

ye nasb hone kā hai ḳhatm silsila tujh pe

hua hai qata mera dast-e-mojaza tujh pe

giyah-e-zard bahut hai ye saneha tujh pe

main chahta hun mujhe mashalon ke sath jala

kushada-tar hai agar KHema-e-hawa tujh pe

main apne kushta charaghon ka pul bana deta

kisi bhi sham meri nahr-e-pesh-pa tujh pe

ye koi kam hai ki ai reg-e-shisha-e-saat

uga raha hun main ek naKHl-e-aina tujh pe

ki ajnabi hun bahut saya-e-shajar ke liye

so reg-e-zard mein hota hun ru-numa tujh pe

pukarti hai mujhe KHak-e-KHisht-e-paiwasta

ye nasb hone ka hai KHatm silsila tujh pe